上星期到過日本鳥取及島根県，旅行就梗係要去試吓好嘅餐廳增進食經內容啦。在鳥取県大山附近西伯郡有一所精品旅館，館內只有七個精緻房間及cozy餐廳。據說這間餐廳係意大利特式餐廳，並滲入了法國及日本嘅風格。感覺上無論係食物外觀又或者餐廳裝修都係極之像似法國及日本fusion風格.
裝修設計上所使用的木器傢俬都係19世紀嘅英法傳統設計。餐廳正中開放式廚房設計，廚師面向着餐廳裏的客人烹調美味菜式及交流。
精緻菜式由三文魚子配隠岐島帶子揭開序幕，新鮮舞茸蒸蛋之後，是飯島町豚肉配鳥取県白茄子。份量恰當的蕃茄龍蝦意粉後，來了一個十分有特式的即造法包。隨後是主菜鮮魚鉄板燒配烤元貝及紀州梅伊勢海老薯餅，及慢煮鳥取県和牛厚切配金山寺柚子味噌及菠菜卷牛油蝦。最後由甜品焦糖脆脆配雪芭及當造鮮果及珈琲完美結束。
